گونی آزربایجان جا، تورکجه شعرلر

بار الاها سن بیزه وئر بو شیاطین دن نجات

اینسانین نسلین کسیب ، وئر اینسه بو جین دن نجات

بیزدن آنجاق بیر قالیرسا ، شیطان آرتیب مین دوغوب

هانسی رؤیا ده گؤروم من ، بیر تاپا مین دن نجات

بئش مین ایلدیر بو سلاطینه گرفتار اولموشوق

دین ده گلدی ، تاپمادیق بیز بو سلاطین دن نجات

بیر یالانچی دین ده اولموش شیطانین بیر مهره سی

دوغرو بیر دین وئر بیزه وئر بو یالان دین دن نجات

هر دعا شیطان ائدیر ، دنیا اونا آمین دئییر

قوی دعا قالسین ، بیزه سن وئر بو آمین دن نجات

ارسینی تندیرلرین گوشویلاریندا اویناییر

کیمدی بو گودوشلارا وئرسین بو ارسیندن نجات

یا کرم قیل ، کینلی شیطانین الیندن آل بیزی

یا کی شیطانین اؤزون وئر بیرجه بو کین دن نجات

اؤلدورور خلقی ، سورا ختمین توتوب یاسین اوخور

بار الاها خلقه وئر بو حوققا یاسین دن نجات

دینه قارشی ( بابکی – افشینی ) بیر دکان ائدیب

بارالاها دینه ، بو بابکدن ، افشین دن نجات

( ویس و رامین ) تک بیزی رسوای خاص و عام ائدیب

ویس ده اولساق ، بیزه یارب بو رامین دن نجات

شوروی دن ده نجات اومدوق کی بیر خئیر اولمادی

اولماسا چای صاندیقیندا قوی گله چین دن نجات

من تویوق تک ، اؤز نینیمده دوستاغام ایللر بویو

بیر خوروز یوللا تاپام من بلکی بو نین دن نجات

« شهریارین » دا عزیزیم بیر توتارلی آهی وار

دشمنی اهریمن اولسون ، تاپماز آهین دن نجات

******************************************

تورکی شعر (ساوالان استاد هوشنگ جعفری)

اوچور ايلهاميم او قوشلار کيمي کي

ياز وعده سينده

قووزانير ماوي گؤيه تا اوجا باش بير داغا قونسون

کؤرپه قارتال کيمي دير

گاه چکيلير گرزده ن ايتينجه ک

اگله نير گاه ساوالان عشقينه – آغدان – آغاقونسون

هر اوجا داغ کي گؤرورسن باشي قاردلا آغاراندي

اورا بيل کي ساوالاندي

آمما يوخ !

هر اوجا داغ سسيمي السا دا تئز قئيته ره جکدي

سسي قئيته رمک همان يئل بيله جکدي

آخي يئل يولچودو گئتگين اوکي سؤز ساخلايا بيلمز

يئل سؤزو قاپدي قاچيردار اونو کيم هاخلايابيلمز

يئل گئدرگيندي پيچيللارسؤزوکوللار قولاغيندا

سؤزو قربان ائله ير قيرنادا قانقال آياغيندا

چئويره ر سؤز چاناغيندا

جالايارداغلارا هر بير سؤزو مين سؤز تؤره دندي

بيلميرم سيرري ندندي

يئل گئده ر گيندي يئلي ساخلاماق اولماز

يئله بئل باغلاماق اولماز

آمما سن اي سؤزو سينه نده کؤزردن ساوالانيم

کيم گله صدقله زرتشت بئجردن ساوالانيم

ائليمين شانلي داغي باشيوه مين لرجه دولانيم

اريديب ائل غمي بير يول سني کؤکدن ده تالانسان

سئل اولوب قانلي دنيز لر کيمي دونيايه جالانسان

آدي ديللرده قالاناسان

ساوالانسان ، ساوالانسان

ساوالان ائل غميني بللي دي ساخلار سينه سينده

سينه سي کؤزدو آلودور گيزيريک اينسي سي واردير نفسينده

شاعرين غملي سه سينده آلگيلان ساخلاسن اي ائل داغي غملي قفسينده

ساوالان آلسادا هر سيرري سؤزو داغلارا سالماز

گؤره نامرد دوروبدور ساوالاندان سس اوجالماز

ساوالاندا تؤکولن داشلاري ديندير دانيشاللار

سالسا عاشيق نفسين کوللارا آليشاللار

ده ده قود سازي چالسا

ده لي دومرول باش اوجالدار

بلي البته کي يولداس باشيني يولداش اوجالدار

سسله عاشيق سازي چالسين

سسي ميز بيرده اوجالسين

اويناماقليز گي يه دؤنسون

کاس شوشمگوزگويه دؤنسون

قوي وئره ک سس سسه باهم اوخوياق بير ده کوراوغلو دلي سيندن

هجرين قوچ نبي سيندن

اوکي ظاليملري مظلولارين اوستونده ازه ردي

او کي آسلان کيمي داغلاردا ياتيب باغدا گزه ردي

اوخو عاشق اوخو

سن بيل او کي تانري تانييبسان

سؤزومه دوز جالييبسان

سوموگوم قوي سازا گلسين

بولبولوم آوازا گلسين

يازميشام ايوازا گلسين

گوچ آلاق قوي دلي لردن

باج آلاق اجنبي لردن

او کي بيلمير نبي کيمدير قويون آذرائليني مسخره سانسين

بير عؤمور دورکي فضولي ني –  نسيمي ني دانيب ايندي ده دانسين

شهريار تک سن اوجالت باشيوي قوي عرشه دايانسين

قوي باخار کور تر ايچينده جوموبان اؤلسون – اوتانسين

اوکي آخساخدي يوبانسين

اوکي تورکون ديلين اسگيتمه گه تصويره ساليبدير

اوکي تورکون بالاسين ايندي ده آشغالچي سانيبدير

او تفاله بيليرم فيکيريني طاغوتدان  آ ليبدير

او رژيمدندي قاليبدير

يوخسا تورکون بالاسيندا نچيخيب علامه ي دوران

اونا دونيا باش ا يير فلسفه ده

بير جه نه ايران

قوي دئييم شهرياريمدان

نيسگيل او چرچي يه قالسين کي جواهر نه دي ، قانمير

فيکري آللاتما دادير خالقي ،ائلين حالينه يانمير

اريمير ، اؤلمور ، اوتانمير

آخي اي قاردا ، دوماندا باش اوجالدان ساوالانيم

غمي ، دونيا ني قوجالدان ساوالانيم

ائل بيلير داغلار آرا هراوجا داغلار باشي سن سن

وئرسهنده اليوي قارداشيوين سير داشي سن سن

وئر گيلن بير ليک الين بيرده دماونده اونون يولداشي سن سن

اوندان آيريلما آماندي

يولوموز چندي دوماندي

قوي ايگيدلر سيزه فخر ائيله ييبن باشان اوجالتسين

قويما قارتال دولانان يئر لره قوز غون الي چاتسين

ساوالان چنلي چاغيندا

منيم ايلهاميم اولارکن

کؤنلوم اؤز سرري سؤزون صدق ايله سؤيلر ساوالانه

ساوالان کؤز قالادار شاعر اولانلار سينه سينده

اوردا زرتشت گئيب تانريدان ايلهامين آلانه اگيرم باش ساوالانه ، اگيرم باش ساوالانه

                                                                               «اوستاد هوشنگ جعفری زنگانلی»

****************************************

ای گؤزه لیک کعبه سی، سن قبلـه گـاهیمسـان منیـم

مـن گـدای عشقینـم، سـن پـادشــاهیمســان منیــم

اؤزگـه بیـر جـانـانـا جـؤرونـدن شیکـایـت ائتمـه رم

هـر جفـا ائتسـن یئنـه، اؤز دادخــواهیمســان منیــم

جان وئریب، یا جانیم آلسان، اختیـاریـم سنـده دیـر

عاجیزم قـارشینـدا، گـویـا کـی، ایـلاهیمسـان منیـم

زولفِ روخسارین اسیـری مـاهـا سـالمـاز مهـرینـی

سن بولودلاردان چیخان بیر مهر و ماهیمسـان منیـم

صید قیلمیش کؤنلومو نـاز ایلـه محـزون گـؤزلـریـن

مشـکِ عنبـر تیـره لـی آهــو نیگــاهیمســان منیــم

من بو فقریمله سنین عشقینده فخر ائتسـم نـه اولار؟

دولتیم، فخریـم، پنـاهیـم، عـزّ و جـاهیمسـان منیـم

واحـدم، جـانـا، فـرحـدن یـوکسلـه ردیـم گـؤیلــره

لطف ائدیب بیردم دئسن کیم، خاکِ راهیمسان منیم

علی آقا واحد

بوگون ایکی باتوم یئدیم
ساباح یاددان چیخار گئدر
آرخام سانجی ائدیرسه ده
زامان گئچیب یووار گئدر


اما بئله دیل یاراسی
تورک آغزینین قوخوماسی
دیش یوماغین ماجراسی
یادیمیزدان چیخار گئدر؟



بابکیز وار یا تومروسوز؟
تورک خالقینی نه گؤرموسوز؟
بیز اولماساق سیز اؤلموسوز!
سیزی گؤرن باخار گئدر


نه ستاریز نه نبی یز وار
نه کولتوروز نه دیلیز وار
بیز اولماساق نه'يینیز وار؟
یئلده سیزی ییخار گئدر!



بورا غیرت مکانی دیر
کوراوغلولار توکانی دیر
دوشمانا گؤز تیکانی دیر
یئردن گؤيه بوخار گئدر


تورک جانی نی آلسا اله
باخماز عؤذورلنن دیله!
هرکیم ساتاشسا بو ائله!
خنجرینی تاخار گئدر


بیر آن آلین سیز آغلیزا
بیر تورک غیرتین قالخیزا
آلیب سیزین اؤز آغزیزا
او فیرچانی یاخار گئدر

يازان: مسعود

ایتیمیز قورد اولالی بیزده قاییتدیق قویون اولدوق
ایت ایله قول بویون اولدوق
ایت الیندن قاییدیب قوردادا بیر زاد بویون اولدوق
ایت ایله قول بویون اولدوق
قوردوموز دیشلرینی هئی قارا داشلاردا ایتیتدی
قویونوندا ایشی بیتدی
سون سوخولدو سورویه بیر سورونو سؤکدو داغیتدی
اکیلیب ایت گئدیب ایتدی
بیزده باخدیق ، ایت ایله قورد آراسیندا اویون اولدوق
ایت ایله قول بویون اولدوق
شهریار

قورخما پلیس قارداشیم!
هیکلیم گوزلرینده داغلانماسین
باخیشیمدان
کولک اسمه سین اللرین
سیندیر بارماقلارینین بوزلارینی
نه یین وارسا یاغدیر ته په مه
قورخما پلیس قارداشیم!
اولدوم دئیه وئرابیلرسن منی
بلکه اولوم
دیریلییمی یئردن گوتوردو..!
"دینمز"

دونیاده اگرتورکو دانیشسام ووراجاخلار
دینسم دیله گلسم دیلیمی یاندیراجاخلار
مندن آنامین کیملیگینی سیلدیرجاخلار

یاتماق داها اولماز بئله های هایلار ایچینده

بابک آتامین بایراغینین شوکتی هاردا
ائلده بوغولوب ائل سارانین عصمتی هاردا
ناموسه بئله خان چوبانین غیرتی هاردا

یاتماق داها اولماز بئله های هایلار ایچینده...

تورک میللتینین اولمایا ستارخانی یاتدی
یابابک ائلین غیرتینی یادلارا ساتدی
بیزدن بیزه یار اولماسا دونیا سالاماتدی

یاتماق داها اولماز بئله های هایلار ایچینده
تورک میللتینین اولمیا ستارخانی یاتدی
یا بابک ائلین غیرتینی یادلارا ساتدی.

ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﻣﯿﻠﻠﺖ ﭼﯿﻐﯿﺮﯾﺮ ، ﺗﻮﺭﮐﻢ ﻫﺎﺭﺍﯼ ﺣﺎﻗﻘﯿﻤﯽ ﺩﺍﻧﻤﺎ
ﺩﻭﻟﺖ ﺑﺎﻏﯿﺮﯾﺮ ﮐﺲ ﺳﺴﯿﻮﯼ ﺁﻧﻼﻣﺎ ﻗﺎﻧﻤﺎ
ﻓﺮﻣﺎﻥ ﺑﻮﺭﺍﺧﯿﺮ ﻭﻭﺭ ﺑﺎﺗﻮﻣﻮ ، ﻭﻭﺭﺩﻭﻻﺭ ﺁﻣﻤﺎ
ﺳﺎﻧﮑﯽ ﺧﻮﺭﻭﺯﻭﻥ ﺍﻭﺳﺘﻮﻧﻪ ﻧﺎﺭﯾﻦ ﺟﻮﺟﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺭﻭﺣﻮﻡ ﺁﭼﯿﻠﯿﺐ ﻟﺬﺕ ﺁﻟﯿﺮ ﺍﺋﻞ ﯾﻮﺭﻭﺷﻮﻧﺪﻥ
ﺯﻧﺠﯿﺮﯼ ﻗﯿﺮﺍﻥ ﺳﺎﻧﮑﯽ ﭼﺆﺭﮎ ﺗﺌﻞ ﯾﻮﺭﻭﺷﻮﻧﺪﻥ
ﺗﺎﺭﯾﺦ ﯾﺎﺭﺍﺩﺍﻥ ﺗﺒﺮﯾﺰﯾﻤﯿﻦ ﺳﺌﻞ ﯾﻮﺭﻭﺷﻮﻧﺪﻥ
ﮔﻮﻧﺪﻭﺯ ﯾﻮﺭﻭﺷﻪ ﺑﺎﺷﻼﯾﯿﺐ ﺁﺧﯿﺮ ﮔﺌﺠﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺗﻮﺭﮐﻮﻥ ﺑﺌﺸﯿﯿﯽ ﺍﻭﺭﻣﯿﯿﻪ ﺗﻮﻓﺎﻥ ﻗﻮﭘﺎﺭﯾﺒﺪﯾﺮ
ﺗﻮﺭﭘﺎﻕ ﻻﺭﯾﻨﺎ ﮔﺆﺯ ﺗﯿﮑﻪ ﻧﻪ ﮔﺆﺯ ﻗﻮﭘﺎﺭﯾﺒﺪﯾﺮ
ﻧﻌﻤﺘﻠﯽ ﻣﻮﻏﺎﻥ ﺳﻮﻥ ﺳﺆﺯﻭ ﺳﺆﯾﻠﺮ ﻗﻮﺗﺎﺭﯾﺒﺪﯾﺮ
ﻗﺎﺕ ﻗﺎﺕ ﻗﺎﻻﻧﯿﺐ ﺩﺭﺩﻟﺮﯼ ﭼﻮﻥ ﻻﭖ ﺩﯾﺒﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺩﺍﻥ ﺍﻭﻟﺪﻭﺯﻭ ﺗﮏ ﭘﺎﺭﻻﯾﯿﺮ ﺍﺅﻟﮑﻤﺪﻩ ﺑﯿﺮ ﺍﻭﻟﺪﻭﺯ
ﭘﺎﮎ ﺍﺋﺘﻤﯿﺶ ﺣﻼﻝ ﺍﻣﺪﯾﯿﯿﻨﯽ ﺳﻮﺩ ﺁﻧﺎ ﺗﻮﻣﺮﻭﺯ
ﻗﺎﻓﻼﻥ ﺳﺎﯾﺎﻏﯽ ﻗﺎﺭﺗﺎﻝ ﺍﻭﻟﻮﺏ ﻗﺎﯾﻐﯿﻠﯽ ﺳﻮﻟﺪﻭﺯ
ﺣﺎﻗﻘﯿﻢ ﺗﺎﻻﻧﯿﺐ ﺳﺆﯾﻠﻪ ﯾﺮﮎ ﮔﺆﺭ ﻧﺌﺠﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺧﻮﯼ ﺗﺎﺭﯾﺨﯽ ﺑﯿﺮ ﮔﺆﺯﮔﻮ ﮐﯿﻤﯽ ﮔﺆﺯ ﻗﺎﺑﺎﻏﯿﻨﺪﺍ
ﯾﺎﺩ ﺍﺋﻞ ﻟﺮﯾﻨﻪ ﺩﯾﺰ ﭼﺆﮐﻮﺭﻭﺏ ﺍﺅﺯ ﻗﺎﺑﺎﻏﯿﻨﺪﺍ
ﺯﻧﮕﺎﻥ ﺩﺍﯾﺎﻧﯿﺐ ﺍﺅﻥ ﺟﺒﻬﻪ ﺩﻩ ﮔﺆﺯ ﻗﺎﺑﺎﻏﯿﻨﺪﺍ
ﮔﻮﺝ ﻟﺮ ﺑﯿﺮ ﺍﻭﻟﻮﺏ ﺩﺍﻍ ﮐﯿﻤﯽ ﮔﻮﺟﺪﻥ ﮔﻮﺟﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺍﺋﻞ ﻟﺮ ، ﻗﻮﺷﺎﭼﺎﯾﻼﺭ ، ﻣﯿﯿﺎﻧﺎ ﻫﺎﯾﺪﯾﺮ ﻫﺎﺭﺍﯾﺪﯾﺮ
ﺯﻭﻧﻮﺯﻻ ، ﺳﺎﺭﺍﺏ ، ﺩﺍﺵ ﻣﺎﮐﯽ ﺩﺍ ﮔﺆﺭ ﻧﺌﺠﻪ ﻫﺎﯾﺪﯾﺮ
ﻏﺌﯿﺮﺗﻠﯽ ﻣﺮﻧﺪﯾﻦ ﯾﻮﺭﻭﺷﻮ ﺗﺒﺮﯾﺰﻩ ﺗﺎﯾﺪﯾﺮ
ﺍﺋﻞ ﻟﺮ ﺑﯿﺮ ﺍﻭﻟﻮﺏ ﻣﯿﻠﻠﺘﻪ ﺑﯿﺮﻟﯿﮏ ﻭﺟﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺍﯼ ﺁﺳﺘﺎﺭﺍﻣﯿﺰ ، ﺷﺎﻧﻠﯽ ﻓﺮﯾﺪﻭﻥ ﮔﺆﺯﻭ ﺳﻨﺪﻩ
ﻗﺎﻟﺦ ﺍﺭﺩﺑﯿﻠﻪ ﯾﺎﺭﺩﯾﻢ ﺍﺋﻠﻪ ، ﺷﻮﺭ ﺍﺋﻠﻪ ﺳﻨﺪﻩ
ﻣﺸﮕﯿﻦ ﻟﻪ ، ﺍﻫﺮ ﻗﺎﻥ ﺩﻭﻏﻮﺭﻭﺑﺪﻭﺭ ﺑﯿﻠﯿﺴﻦ ﺩﻩ
ﺩﻭﺷﻤﻦ ﮔﯿﺠﻪ ﻟﯿﺐ ﺍﻭﺳﺘﻮﻣﯿﺰﻩ ﮔﯿﺞ ﮔﯿﺠﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺍﯼ ﻋﻠﻢ ﺍﻭﺟﺎﻏﯽ ، ﺍﯼ ﻣﺎﺭﺍﻏﺎ ﺣﻮﺳﻨﻮﻭﻩ ﺣﺌﯿﺮﺍﻥ
ﻗﺎﻟﺨﺪﯾﻦ ﺁﯾﺎﻏﺎ ﻏﺌﯿﺮﺗﯿﻮﯼ ﺍﺋﯿﻠﻪ ﺩﯾﻦ ﺍﻋﻼﻥ
ﭼﯿﺦ ﺑﯿﺮ ﺭﻣﻪ ﺩﻩ ﻗﺎﯾﻨﺎﺷﯿﺮﯼ ﻣﯿﻠﯿﻮﻧﯽ ﺗﻬﺮﺍﻥ
ﺳﺎﻧﮑﯽ ﻋﺮﻓﺎﺗﺪﺍ ﺣﺎﺟﯽ ﻻﺭﺩﯾﺮ ﺣﺠﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺑﯿﺮ ﻋﺼﺮﯾﺪﯼ ﮐﯽ ﺟﺎﻥ ﻭﺋﺮﯾﺴﻦ ، ﻗﺎﻥ ﻭﺋﺮﯾﺴﻦ ، ﻗﺎﻥ
ﭼﺎﺗﻤﯿﺶ ﺯﺍﻣﺎﻧﯽ ﺍﺅﺯﻟﻮﯾﻮﻧﻮﻥ ، ﺳﺌﻮﮔﯿﻠﯽ ﺟﺎﻧﺎﻥ
ﺟﻨﺖ ﺑﻮﺟﺎﻏﯽ ، ﻋﻠﻢ ﺍﻭﺟﺎﻏﯽ ، ﺁﺫﺭﺑﺎﯾﺠﺎﻥ
ﭼﻮﺧﺪﺍﻧﺪﯼ ﺯﺍﻣﺎﻥ ﺳﻨﻠﻪ ﯾﺎﻣﺎﻥ ﺑﯿﺮ ﻟﺠﻪ ﮔﻠﻤﯿﺶ
ﺁﻣﻤﺎ ﯾﺌﻤﻪ ﻏﻢ ﺑﯿﺮ ﺩﺍﻫﺎ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺣﺎﻗﻘﯿﻢ ﺗﺎﻻﻧﯿﺐ ﺳﺆﯾﻠﻪ ﯾﺮﮎ ﮔﺆﺭ ﻧﺌﺠﻪ ﮔﻠﻤﯿﺶ
ﺩﻭﻧﯿﺎ ﮔﺆﺯﻭﻥ ﺁﭼﺴﯿﻦ ﮐﯽ ﺑﻮ ﻣﯿﻠﻠﺖ ﮔﻮﺟﻪ ﮔﻠﻤﯿﺶ
ﺑﻮ ﺷﻌﺮﯼ ﺍﺳﺘﺎﺩ ﺣﺴﻦ ﺩﻣﯿﺮﭼﯽ ﻣﻘﺎﻡ ﺍﺳﺘﺎﺩﯼ ، ﻣﯿﻠﻠﯽ ﻓﻌﺎﻝ ﯾﺎﺧﭽﯽ ﺍﯾﻔﺎ ﺍﺋﻠﯿﺐ

دیرلی یولداشیم اولدوز قاسمی ایچین یازیلان شعر:   بهنام شاه نعمتی

تومروسون قیزی ای قهرمان اولدوز
ائشیدیب سسیوی ، آنکارا ، قافقاز
بوتون وارلیغینلا دونیایا دئدین
آسلانین ارکه یی ، دیشیسی اولماز

جعفری ، جباری ، ... ،سن ، رعنا ، من
ال – اله وئرمیشیک اولموشوق وطن
بیز وطن اوغروندا گئیمیشیک کفن
وطن چون آلمیشیق قانلا دستماز

اناالحق دئییریک ، بیزینه ن دی حاق
آند اولا تورپاقا ، یوخدور اوتورماق
بیزه ال آچانین ، الین قیراجاق
قانلی دستمازلا ، قیلدیغیم ناماز

آند ایچیر سالدیغین ، ایشیقا تبریز
شعریمین توحلری ، دورورو بیز – بیز
آتا بابکه تای ، دوغرانساخدا بیز
گئچمه دیک حققدن ، گئچمه ریکده واز

تایسیز اوتوروبدو ، گونلری ساییر
غوصصه دن ایلهامدا ، قلمده جاییر
دوستاغدا قالمیسان ، دفتر آغلاییر
یولونو گوزله ییر بوش قالان کاغاذ

بهنام  شاه نعمتی *** تایسیز

***************************************

سن سیز داریخمیشام بیلرسن نئجه
گلیرسن یوخوما هرگون هر گئجه
گله ئیدم قوینونا ایسته دیگین جه
دردیمین درمانی آذربایجانیم
كاش گلیپ گوریدیم حالینی بیلیدیم
آغلایانان گوزونون یاشینی سیلیدیم
آمنین گولشنیم آذربایجانیم
گئچیلمز یولونان گئچه بیلیدیم
شاه بولاغ سویون دان ایچه بیلیدیم
اولولرم قوینان كوچه بولیدیم
دردیمین درمانی آذربایجانیم
سوندو اوره گیمده نئچه ارزولار
سیخدی اوریمی سیخدی دویغولار
كاش یتیره سنه منی بو یولار
آمنیم گولشنیم آذربایجانیم
اجدادیمی خبر آلسان
تورك اوغلویام توركم اوغول
آذربایجان منیم ائلیم
آذربایجان منیم دیلیم
دوغرانسا دا دیلیم دیلیم
باشقا دیله چونن دگیل
آنا دیلیم اولن دگیل
دیلیم اولسه من ده لوام
آنا دیلیم اولن دییل
باشقا دیله چونن دییل

گل آنا یوردیمین قیزی، گلینی
ایندی هنر وقتی، غیرت دمی دیر
سن ده اسیرگمه کمک الینی
هر سوزون، صحبتین جان ملحمی دیر
آدین شرفلی دیر سنین، ای قادین!
داهی لر آناسی چاغرییر آدین
الینله قوردیغین بارلی باغچالار
طوفانلار قوپسادا سارالیب سولماز
بیزیم بو یئرلرده بیر مثل ده وار
«اصلانین ارککی، دیشی سی اولماز!»
جبهه لر چاغیریر، گل دوشه ک یولا،
ظفر بیزیمکی دیر، اوغورلار اولا!...
ازل دن تمیزدیر، صاف دیر اوره گین
بیرده شاعرانه طبیعتین وار
حیات عاشقی دیر عشقین، دیلگین
دیلده داستان اولان محبّت ین وار
وار اولسون جهاندا عشقین، املین
وار اولسون دائماً یارادان الین!
گل چیخاق جبهه یه، امر ائدیر وطن
سن ده بو میداندا کوکره ییب چاغلا!
دشمنین گولله سی دگسه سینمدن
مهربان الینله یارامی باغلا!
حیات وئره جکدیر بیزه درمانین
الینله پوزیلسین حکمی زمانین
گل ایندی جبهه ده یولداش اولاق بیز
بیرجوت اصلان کیمی وورشاق قوشا
ظفرله قورتارسین مبارزه میز
سونرا ئوز ائوینده بختیار یاش
وطنین گوزلری ایندی بیزده دیر
آزادلیق چراغی الیمیزده دیر 
گل آی جمالینین صاف شعله سندن
بیرده ایشیقلانسین سینمده اوره ک
گل، وطن عشقینین یوروش سسیندن
سئل کیمی کوکره ییب هجوما کئچه ک
آشیب شیش داغلاری، مئشه لیگ لری
گونده بیر ظفرله گئده ک ایره لی
گل قیزیل اردویا! ساریل بو گونه!
پارلا یاز گونونین سحری کیمی
توتوم اوزنگینی، قالخ آت اوستونه
سن قاچاق نبی نین هجری کیمی
هجوما کچدیکجه نعره چکیب سن
گونش نور توکه جک اوستونه گوگدن
الینله قوردوغون بارلی باغچالار
طوفانلار قوپسادا، سارالیب سولماز
بیزیم بو یئرلرده بیر مثل ده وار!
«اصلانین ارککی، دیشی سی اولماز!»
جبهه لر چاغیریر، گل دوشه ک یولا
ظفر بیزیمکی دیر، اوغورلار اولا!...

**************************************

یاشاسین توپراغیمی، غیرتینه عشق اولسون
آذربایجان اولکمه ، اوت توپراغیما عشق اولسون
گوج ورن ،عرش و سمایه اوجالان داغلارینا
اوجا بویلو ساوالان سولتانیما عشق اولسون
وطن عشقینده ورن قانینی، دوردانلره
غیرتین اُسوسی ، بابک قالاما عشق اولسون
نه گومان ایله میسن یوخدو بو شهرین ییه سی
شیخ صفی اولادی شاه عباسیما عشق اولسون
یاشا آذر ، نه ایگیتلرکی دوغوب بسلمیسن
اوخو ، دونیا اوخوسون ، کور اوغلوما عشق اولسون
شعر و شور اهلینه اینصاف ایله قیمت یوخدور
شهریاریم کیمی شاعرلریمه عشق اولسون
یاد ادیم سوز شاهی خاقانی شیروانی سوزو
کی دییپ نظامی گنجویه عشق اولسون
مست ادیر روحو ، اوزیرون او گوزل نغمه لری
تاریمین نغمه سینه ، اوچلوگومه عشق اولسون
لیلی مجنون اوخویوب خان چوبانین مکتبینی
سوگیمه، سیل قیزیما ،سارامیزا عشق اولسون
هله بیر لحظه قولاخ ویر بو منیم سوزلریمه
دیاجاخسان بو تازه شاعریمه عشق اولسون



ﮔِـﺌـﺠـﻪ ﺭﻭﯾـﺎ ﺩﺍ ﺳَﻨﯽ ﻗَـﻠـﺒـﯿـﻤﻪ ﻣِﻬﻤﺎﻥ ﺍﺋﻠﻪ ﺩﯾﻢ
ﺑﯿﺮ ﮐﯿﭽﯿﮏ ﭘَﻨﺠﺮﻩ ﻧﯽ ﻋﺸﻘﯿﻤﻪ ﻣِﯿﺪﺍﻥ ﺍﺋﻠﻪ ﺩﯾﻢ
ﺫﻭﻗـﺎ ﮔـﻠﺪﯾـــﻢ ﺍﺋـﻠﻪ ﮐـــﯽ ﺁﻧﻠﯿﻤﯽ ﻗـﻮﯾﺪﻭﻡ ﻗﺎﭘﻮﻭﺍ
ﺑﯿﺮ ﺩﺍﻫــﺎ ﺳﻦ ﮔﻮﺯﻟﯽ ﮐﻮﻧﻠﻮﻣﻪ ﺧﺎﻗﺎﻥ ﺍﺋﻠﻪ ﺩﯾﻢ
ﻗـﯿـﻤﺎﺩﯾـــﻢ ﺍﺅﺯﮔـــﻪ ﮔـﻠﻪ ﺭﻭﯾـﺎﻣـﯽ ﭘَـﺮﭘَـﺮ ﺍِﺋﻠﯿﻪ
ﺑــﻮ ﺷﯿﺮﯾﻦ ﻟﺤﻈﻪ ﻟَـﺮﯼ ﺑﯿﺮﻟﯿﻘﺎ ﻣﯿﺰﺍﻥ ﺍِﺋﻠﻪ ﺩﯾﻢ
ﺁﯾــﺮﯾـﻠﯿﻖ ﺩَﺭﺩﯾﻨﯽ ﯾﺎﺩﺩﺍﻥ ﺁﭘﺎﺭﯾﺒﺴﺎ ﺑﻮ ﮔﻮﺭﻭﺵ
ﺳَﻨﯽ ﻟـﻘـﻤﺎﻥ ﺑﯿﻠﻪ ﻟــﯽ ﺩَﺭﺩﯾﻤﯽ ﺩَﺭﻣﺎﻥ ﺍِﺋﻠﻪ ﺩﯾﻢ

****************************************

گؤزلرون آخ نه گؤزلدير، ائله بير آي پاراسي
اؤزي بير دونيا بوياغ دير، گؤزوون آغ، قاراسي
بؤ نه گؤز ياشيدي كي طوفانلي ائديب گؤزلريوي
جانيما دوشسون اگر، گؤزلريوون وار قاداسي
دامجی دامجی ييغيلير خيردا گؤزه، من نه دئيم
دنيزه بنزَيير آمما، ايكي كيپريک آراسی
ائله اولدوز كيمي گؤز ياشي يئره توكمه گؤزل
ائله اولدوزلارا دَيمَز، گونَشين گوشواراسي
آغلاما بير بئله گؤز ياش ائله مه، آرخايين اول
قویمارام سِئللره دوشسون، گينه ده ائل ساراسي



‏‏‏تورکون دیلینه دادلی پتک بال دئسم آزدی
یوخ یوخ بالی سات گل بودیلی آل دئسم آزدی،
سن اؤزدیلینی بنزه دیسن بولبوله بنزت
منده دیلیمه زیروه ده قارتال دئسم آزدی،
بیر تازه گلین تک گؤزل اولسا دیلین اولسون
منده گلینه جلوه وئرن شال دئسم آزدی،
سن اؤز دیلینه زولف دئنن خط دئنه، منده
آغ اوزده یاتان دوزلو قارا خال دئسم آزدی،
بولای لایی نننیمده آنام چالمادا یاتدیم
بولای لایی جان وئرمه ده ده چال دئسم آزدی،
بو دیل دئییل، بیردادلی شیرینلیکدی آغیزدا
هرلحظه آغیزدان آغیزا سال دئسم آزدی



من توران اوغلویام
من تانیلمیش آتالارین اوغلویام
ده ده م قورقود،آتام بابک،اناتومروس اؤغلویام
اسیا،اوروپا دا امپراطورلارقوران اوغلویام
بولوت،شهریار اوغلویام
باکریلر یوردونون اوغلویام

قایید یئنی دن تاریخلر باخسان
بیلرسن کی من بوز قورد دیارین اوغلویام
اصفهان،بندرعباس،تهراندا ایزلریم باخسان بیلرسن کی من تورک اوغلویام
ایندیمه باخما،کئچمیشیمنن،سؤروشان،بیلرسن،کی تورک اوغلویام
لشگرعاشورامنان،بیلگین اولارسا
بیلرسن،کی تورک اوغلویام
یازار(آراز)

*************************************

گـئجه گؤردوم یوخودا شهر چراغان اولدی
گـــؤردوگوم یــئر،نظریمده یئکه میدان اولدی

گؤرمه میشدیم من او میدانی باخیردیم بیردن
آنامــــین قامـتی میــداندا نمایـــــان اولدی

نئـچه ایلدن سورا گؤرسندی، ایشقلاندی گؤزوم
یـئتیشیب روحـــو، منیم روحوما مهمان اولدی

آنامـــین روحــو منیم روحومولا بیرلشدی
 ائــله بیل بیر دانــا جسمیمده ایکی جان اولدی

چوخ سئویندیم اونو گوردوم اوره گیم چــیرپیندی
والــه اولدوم، اودا گؤرچک منی  شادان اولدی

دئــدیم ای گوزلریمین نوری آنا هاردایدین؟!
غــم هـجرینده اینان کی اوره گیم قان اولدی

 اوندا کی سن واریـدین آنلامادیم قدریوی من
 ســن گئــده ندن سورا دنیا منه زندان اولدی

ده گؤروم توختامیسان، ایندی یئرین راحتدیر؟
 دوداغی قاچدی باشین توولادی خندان اولدی

گـؤزلریـن تیکدی منـه حسرتیله آه چکیب
 پـوزولـوب حالــی قهرلندی،پریشان اولدی

دئـدی: من راحـــتم! آمما نــگرانم سنده ن سـؤزو آغــزیندا ،دولوب گؤزلری گیریان اولدی

آغـلایا - آغـلایا  دؤنـدی  ابدیت یولونا
یــولا دوشـدی  او قدر گئتدی کی پنهان اولدی

قیشقراندا: آنـــا گئتمه منی یالقیز قویما!
 هـاراییمدان،یـوخودان جمـله هـراسان اولدی

آییلاندان سورا گؤردوم کی گئدیب یوخدور آنام
 وصل رؤویـاسی قوتولدو یئنه هـجران الدی

قبر ائـــــوینده اؤلـولرده نــگران دیر بیزده ن
 فلکین چــرخی چونوب گؤر نئجه دوران اولدی!

منی دؤنیاده هئچ آرواد سئوه بیلمز آنا تک
 بیر دانایـدی "آنام"، افســوس، اودا بیجان اولدی

بوتون دونیادان گدن آنالارا تقدیم
ب. د

*******************************


سن زولفینی آچ تؤک اوزونه ، شانه سی مندن
زنجیری نشان وئر منه ، دیوانه سی مندن
سن عاشیقی یاندیرماقا من یانماقا ماییل
سن شمعینی گؤستر منه پروانه سی مندن
زولفون قدری عاشیق اولان وار سنه ای گول
سن سویله او مجنونلاری افسانه سی مندن
سر مست گؤزون فتنه لبین نشئه لی باده
ایچدیر منه ، اول باده نی پیمانه سی مندن
سن ناز ایله گل کی صدفین قیمتی آرتسین
گؤز یاشی کیمی اینجیسی دوردانه سی مندن
هر دم گؤتور اوزدن گوزه لیم افعی زولفین
چک ظاهره گنجینه نی ویرانه سی مندن

**************************************

سيلسن آديمي يا آتاسان خاطيري ياددان

سن نازلي يارين عشقي قالارگي قالاجاق دير

هيجران اودو گر يانديرا بو جانيمي هر دم

اؤلسم ده داغيلسام دا تؤكنمز قالاجاق دير

بيتمز بو درين سئوگي كي واردير سنه  ياريم

گؤزلر سني گؤرمك اوچون آغلار قالاجاق دير

عشقين او قدر ارزيشي واردير بو جانيم دا

عشقيم سن اوچون سئوگيلي  جانان قالاجاق دير

**********************************

ای هرزه گیاه باغ ایران
ای روبه سرزمین شیران
بازی ننمای با دم شیر
هرچند به دست اوست زنجیر
توهین ننمای به قوم و کیشم
کزهرجهتی من از تو بیشم
درمظهر ترک ادب نگهدار
سرخم کن و حرمت و ادب دار
ما با ادبیم،باادب باش
وز بی ادبی گزیده لب باش
ما ترک غیور وقهرمانیم
ماسرور مردم جهانیم
ما ملت قهرمان ترکیم
ما زاده سرزمین گرگیم
پا چون به حریم ما گذاری
ساکت شده پارس کم نمایی
روی تو اگر کمی حیا داشت
انگیزه تو اگر صفا داشت
گراحمق و بی حیا نبودی
درمانده وو بی نوا نبودی
درخانه دا ترا چه کس بود
فرمایش (شهریار)بس بود
اما چه کنم که بی حیایی
تو مظهر جوری و جفایی
خود بند ادب گسسته خواهی
خود حرمت خود شکسته خواهی
ای مظهرهرفسادوپستی
زان حرمت عارفان شکستی
بنگر که چه بی اصالتی تو
بی حرمت و بی لیاقتی تو
دراوج کلاس بی کلاسی
تو وصله ی زشت یک لباسی
حیف است بگویمت خری تو
تهرانی لوس وانتری تو
اویزه ی گوش کن ازاین پس
هر دو رو زمان پیش هرکس
زین بعدبه هر کجا رسیدی
هرجا که نشان ز ترک دیدی
برخیز و وفای خود نشان ده
درمحظر ترک دم تکان ده
یادت نرود ولو به گاهی
این گفته ماندگار شاهي

(یاشاسین تورك ملتي)

آزربایجان.
آزربایجان یعنی عشق ، یعنی حقیقتی دریده شده بدست دیو سیرتان، آزربایجان یعنی نوری اسیر درسیاه چاله های تاریک اندیشان ابلیس صفت. یعنی ناموسی به تاراج رفته. آزربایجان یعنی انتقامی گرفته نشده، آزربایجان یعنی شیری در زنجیر، عقابی در قفس، آزربایجان یعنی آرزویی تحقق نیافته.
آزربایجان یعنی امید به رهایی، به زندگی بهتر، به آزادی. آزربایجان یعنی امید به انسانی زندگی کردن انسان. یعنی عشق به حقیقتی ناب و انسانی. آزربایجان یعنی مقاومت ومبارزه با اهریمن فاشیسم ودیو سیرتان شونیسم.
آزربایجان یعنی ما زنده ایم، وجود داریم، نفس می کشیم، وهر روز درخت آرزوی آزادیمان پربارتر وگلستان امید به رهایی مان رنگین تر می شود. آزربایجان یعنی آتشکده همیشه بیدار نبرد با شب پرستان خفاش صفت در همه دورانها. آزربایجان یعنی آرزوی رهایی برای انسانها، وخواست استقلال برای ملتها. آزربایجان یعنی همت برای رهایی ملتی بزرگ ولی دربند بدست سیاه نامان و خونریزان تاریخ. آزربایجان یعنی آخرین میخ بر تابوت خود خدا پنداری اهریمن شونیسم و نژاد پرستی. یعنی زلزله ای بر کاخ استبداد و استعمار و استثمار.
آزربایجان یعنی خلاصه تمام ویژگیهای ملتی تاریخ ساز وتمدن ساز و آزادی خواه در جای_جای صفحات خونین قیام و مبارزه و سربلندی. و ما فرزندان و وارثان تمامی این عظمت و سربلندی هستیم. یا باید اسارت و نابودی همیشگی را انتخاب کرده و مرکّبی  بر فرمان نابودی ملی خویش باشیم ویا پرچمدار مبارزه در راه استقلال ملی و آزادی مردمی، ملت بزرگ تورک آزربایجان.

*************************************

«««««««« غیرتلی تورکم »»»»»»»»

نه قدر سیخیرسان سیخ منی نامرد
کوک اوستونده بیتن غیرتلی تورکم
سؤمَردن یازیلی تاریخیم واردی
شرفلی،ناموسلو عیززتلی تورکم

ارمنی دگیلم، فارس دا دگیلم
هر گلن یالتاغا اویوب اییلم
اوره ک دن مهربان آلچاق کونولم
سارالار بسلی ین عصمتلی تورکم

خالیق اشرف بیلدی یاراتدی انسان
روحوندان دامیزدی بشر تاپدی جان
بشر خلیفه دی آی قیللی شیطان
مسلمان اوغلویام حورمتلی تورکم

کوروش سیزین اولسون،ارمنی سیزین
سورونون قارشیندا سیزدیزین دیزین
بیزتورکوک توتموشوق قرآنین ایزین
خالیقه باش اَیه ن، قیمتلی تورکم

دوشمنلر اوغروندا آچمیشیق میدان
وطن توپراغینا وئرمیشیق آل قان
توپراغا توکولن آل قاندان اوتان
دونیادا یئر سالان شهرتلی تورکم

آلله هه ائیله رم بیرگون شکایت
گتیررم قورآندان مین دانه آیت
پیغمبر ترک ائدن او قورآن ،عترت
گوزاوسته ساخلی یان عترتلی تورکم

قوراجاقدی بیرگون حاق اوزو دیوان
عدالت آچاجاق دوغرو بیر میدان
«اورخان»اومیدانداقاچاجاق شیطان
اورداشیرین سوزلوصوحبتلی تورکم.
**************************************

اوستاد شهریارین آزربایجان وصفینده حذف اولان شعر

یــارالی آذربـایـجان                                                                                                                                                                                                                      کونلوم قوشو قاناد چالماز سن سیز بیر آن آذربایجان

خوش گونلرین گئتمیر مدام خیالمیندان آذربایجان

بوتون دنیا بیلیر سنین قدرتینله دؤلتینله

آباد اؤلوب ، آزاد اؤلوب ملک – ایران ، آذربایجان

یارب ، نه دیر بیر بو قدر اورَکلری قان ائتمه یین

قولو باغلی قالا جاقدیر نه واختان جان آذربایجان ؟

ایگیدلرین ایران اوچون شهید اولوب عوضینده

درد آلمیسان ، غم آلمیسان سن ایراندان ، آذربایجان

اولادلارین نه وقته دک ترک وطن اؤلاجاقدیر؟

ال اله وئر عصیان ائله اویان اویان اذربایجان

بسدیر فراق اودلاریندان کول الندی باشیمیزا

دور آیاغا یا آزاد اول یا تمام یان آذربایجان

شهریارین اورَیی ده سنین کی تک یارالی دیر

بو وارلیق دیر منه ملحم سنه درمان آذربایجان

شهریار

*********************************


سئومیشم بیر گوزلی یوخدو گوزللیک ده تایی
بیر نظر سالدی آیا گویده اوتاندیردی آیی!

گوزلری جیرانا بنزر بویو بیر سرو آغاجی
قاش لاریندان نه دئییم،آللاهین آرتیق دی پایی!

یئرده بیر آی دی دئیرسن کی دوشوب خلق ایچینه
گویده اولدوزکیمی عاشیق لاری نین یوخدو سایی

آیاقین قویسا گولوستانه خزان فصلینده
آچیلار باغچادا گول لر گتیرر بیرده یایی

قاپیسیندا گئجه لر غملی خیالیم دولانیر
قاپیدان رسمیدی قوومازلا بویوک لر گدایی

مدرکیم یوخدور الیم ده نه جفا ائتدی منه
قلبیمه ووردو اوخو تئز گینه گیزلتدی یایی!

گوزلریم دن ئوزومه باشلادی نیسان یاغشی
سیل آشیب داشدی گینه موجیله دولدوردو چایی

گلیب آرام ائله سین،سینه ده غملی ئورگین
ایسته میر بیرده اگر گوی لره چیخسین هارایی

آی ائلیم
گوجلی سئلیم دور ایاقا
قویما دیلون تولکی آپارسین
دور دانیش قویما یوبانسین
آز قالیبدیر آنا قارنیندا.اوشاق لار سنی دان سین
آنا گل:
سنده آنون تک بالاووی تورکی دانیشدیر
ائلین عشقیلن امیشدیر
بویونا اوخشا اوجالسین
اوخو قوی خان چوبانین روحی دیریلسین
سارانی باغرینا باسسین
اوخی قوی ساحیر اویانسین
سؤیله اؤز بال دیلیوی.ایسته میین لر گؤزی چیخسین
آی ائلیم یاتما آماندی
دوشمانین گؤزلری باخسون دولی قاندی
همده کی چوخلی یاماندی
ایسته ییر اؤز الیمیزله
کسه دیبدن بو آغاجی
اؤزونی بال بیلیری .بیزلری آجی
بیزی کافیر اؤزون حاجی
حاققیمیزدی اوخویاق همده یازاق اؤز دیلیمیزده
چالیشاق حاققیمز اوسته
یوخسا من گؤرمه میشم کیمسه نین حاققین
وئره لر اؤز قاپیسیندا
هامیسین هئچ.یاریسندا


*************************************
ای پریشانلغا عادت اورگیم اوتلاناسان
اوز ایاقونلا گزیب تاپدوغون اوتدا یاناسان
او کچن غملری بیر سال یادوا داغلاناسان
شوق گلسون گینه زنجیر غمه باغلاناسان
بو یانغ قلبیمی ای غم سنه من ساتمامشام
گل آز آغلات منی من هچ کسی آغلاتمامسام
نچه ایلردی غمونن گجه لر یاتمامشام
گر مرامون بودی دیوانلیگه چاتمامشام
گت گولوم غم بلوطونان باشوا قار توکوله
دوردوغون یرده رقیبون لب یارونن اوپه
درد الینن دوشسن داغلارا دربنده چوله
بیلسن بلکه بو آواره اولانار نه چکور
سنون عشقونده بو بیچاره اولانار نه چکور
**************************************

آرتیق، کیمسه گؤرمه‌یه‌جک منی بوردا

آرزی‌لاریمی اوره ییم‌دن آتیب گئدیره‌م

بیر حوزون‌لو شارکی ایله خاطیره‌م ده‌سن

قم یوکونو کؤنلومه چاتیب گئدیره‌م

خاطره‌لر بیرر- بیرر تالاندی

اوزونه باخما‌دان چکیب گئدیره‌م

قولاغین ائشیدمز دلی‌جئیران سسین

سس‌سیز- سمیرسیز کؤچوب گئدیره‌م

سئوگی دولو اوره‌کله سئویردیم سنی

اوره‌ییمی سینه‌م‌دن سؤکوب گئدیره‌م

دوشونورم هردن کئچمیش گون‌لری

کئچمیشی بو شئعریده یازیب گئدیره‌م

آختارسان بیر گون منی اگر سن

آختارما ! سئوگیمی یاخیب گئدیره‌م

*********************************

بهنام  ،،،، ساتقینلاریمیز

ساتیر اؤز وارلیقینی اؤزگه یه یالتاقلاریمیز
بو سببدن ایاق آلتیندا قالیب حاقلاریمیز
زامان افشینلری رحم ائتمیری بابک لریمه
وئریر افشینلره یاردیم الین آلچاقلاریمیز
ساییلیر گلمه وطن داش بیزه ، بیز یاد اولورخ
اولاجاق گلمه لره ، گور آنا توپراقلاریمیز
یاریری دوشمنیمین باغرینی سؤز گول له لری
بونا خاطیر قلم آلمیش اله بارماقلاریمیز
قورویوب دونسه بیابانه ده دریالاریمیز
سارالیب توشسه بوداقدان یئره یارپاقلاریمیز
هله داغ چکسه ده نیسگیل داغیلان قلبیمیزه
یولاراق ساچ یاناغی دیدسه ده دیرناقلاریمیز
سیزه من سؤز وئریرم کی گله جک نسل لره
اولار افسانه بیزیم سونسوزا وارماقلاریمیز
یوخودان ائل اویانان گونده بو توپراقلاردا
اسه جک آند اولا ستارخانا بایراقلاریمیز
بو قارانلیق گئجه البت دونر آیدین سحره
چیخار آیدینلیغا تایسیز گوزه ل اویلاقلاریمیز
*********************************

Satır öz varlıqını özgəyə yaltaqlarımız
Bu səbəbdən ayaq altında qalıb haqlarımız
Zaman əfşinləri rəhm etmiri babəklərimə
Verir əfşinlərə yardım əlin alçaqlarımız
Sayılır gəlmə vətəndaş bizə biz yad olurux
Olacaq gəlmələrə , gor ana topraqlarımız
Yarırı düşmənimin bağrını söz güllələri
Buna xatir qələm almış ələ barmaqlarımız
Quruyub dönsə biyabanədə dəryalarımız
Saralıb tuşsə budaqdan yerə yarpaqlarımız
Hələ dağ çəksədə nisgil dağılan qəlbimizə
Yolaraq saç yanağı didsədə dırnaqlarımız
Sizə mən söz verirəm ki gələcək nəslılərəد
Olar əfsanə bizim sonsuza varmaqlarımız
Yuxudan el oyanan gündə bu topraqlarda
əsəcək andola səttarxana bayraqlarımız
çıxar aydınlıqa taysız gözəl oylaqlarımız
bu qaranlıq gecə əlbət dönər aydın səhərə

***************************************

من دیلیمی قوجاقلارام حؤکمو اگر دار اولسا دا
من کوسه رم عؤمور بویو فارس دانیشان یار اولسا دا
 تورک دیلی دیر منیم دیلیم، ،دیلیم دیلیم منیم دیلیم
آیری دیل ایسته مز بوغاز ایپ سیخیلیب دار اولسا دا!
شعر: رحمت یاشار
          l /l
          l /l
          l /l
          l /l
          l /l
          l /l   /¯ )
          l /l /\/
          l /l \/
        ( ¯¯¯ )
        ( ¯¯¯ )
        ( ¯¯¯ )
        ( ¯¯¯ )
        ( ¯¯¯ )
        /¯¯/\
      /  , ^. /\
    /  /      \/\
  /  /          \/\
(  (              )/ )
l  l               l /l
l  l               l /l
l  l               l /l
(   (              )/ )
  \  \          /  /
    \ `----/ /
    ------

بسم الله الرحمن الرحیم
"من آياته  خلق  السموت و الارض و اختلاف السنتكم و الوانكم ان فى ذلك لايات للعالمين"
سوره مبارکه روم آیه '22'

《از نشانه های پروردگار برای جهانیان خلق آسمانها و زمین و تفاوت زبانها و رنگ های شماست》


************************************************


بیلمیرم کی ندن آشفته دی حالیم بو گئجه
دولانیر هر طرفی مرغ خیالیم بو گئجه

ائله بیل سینه ده بیر بنده دوشن قوشدو ئورک
چابالیر،باغلانیب آما پر و بالیم بو گئجه
سازینان خلوت ائلردیم داریخاندا ئورگیم
بیلمیرم هانسی سیاق دا سازی چالیم بو گئجه
دنیزین موجی تک آرام و قراریم کسیلیب
قویولوبدور ائله بیل کی اوتا نالیم بو گئجه
داغی داشی دولانیب یورقون اولان اوچو کیمی
گئدیب الدن دیه سن نازلی مارالیم بو گئجه
گئجه نی بیر جور آچاردیق باشیمیزدان غمیلن
بیلمیرم هاردا قالیب دیر اودا ظالیم بو گئجه
قهوه نی چالخالاییب فنجانا توکدوکجه باخیب
گورورم کی گئنه خوش گلمه دی فالیم بو گئجه
بو سیاق دا کی بلالر توکولوبدور باشیما
قورخورام صبحه کیمی قالمیا سالیم بو گئجه
غزلی باشه یتیردیک یری وار ایندی گلیب
گویلومو شاد ائله سین غملی غزالیم بو گئجه

*********************************************


ﻣﻦ ﺑﯿﺮ ﺗﻮﺭﮐــــﻢ
ﺑﺎبک ﺁﺗﺎﻡ ، ﺗﻮﻣﺮﻭﺱ ﺁﻧﺎﻡ ﻭ ﺁﻟﭗ ﺍﺭﺳﻼﻧﯿﻢ ﺍﻭﻻﻥ ﯾﺌﺮﺩﻩ، ﺍﺅﺯﮔﻪ ﻧﯿﻦ ﮐﻮﺭﻭﺷﻮﻥ
ﺍﺅﺯﻭﻣﻪ ﻗﻬﺮﻣﺎﻥ ﺍﺋﺘﻤَﺮﻡ
ﺍﺅﺯﻭﻣﻮﻥ ﺩﻩ ﺩﻩ ﻗﻮﺭﻗﻮﺩﻭﻡ ﻭ ﮐﻮﺭﺍﻭﻏﻠﻮﻡ ﺍﻭﻻﻥ ﯾﺌﺮﺩﻩ، ﺍﺅﺯﮔﻪ ﻧﯿﻦ ﺷﺎﻫﻨﺎﻣﻪ
ﺳﯿﻨﻪ ﻭ ﮔﻮﻟﻮﺳﺘﺎﻧﯿﻨﺎ ﻓَﺨﺮ ﺍﺋﺘﻤَﺮﻡ
ﺍﺅﺯﻭﻣﻮﻥ ﻗﺎﻋﯿﺪﻩ ﻟﯽ، ﮔﻮﺟﻠﻮ ﻭ ﺩﻭﻧﯿﺎﺩﺍ ﺍﻭﭼﻮﻧﺠﻮ ﺩﯾﺮﯼ ﺩﯾﻠﯿﻢ ﺍﻭﻻﻥ ﯾﺌﺮﺩﻩ،
ﺍﺅﺯﮔﻪ ﺩﯾﻠﯿﻨﻪ ﺍﻭﺯ ﮔﺘﯿﺮﻣَﺮﻡ
ﺍﺅﺯﻭﻣﻮﻥ ﺑﻮﺯ ﻗﻮﺭﺕ ﻭ ﻣﺎﻧﻘﻮﺭﺕ ﺍﻓﺴﺎﻧﻪ ﻟَﺮﯾﻢ ﺍﻭﻻﻥ ﯾﺌﺮﺩﻩ، ﺍﺅﺯﮔﻪ ﻧﯿﻦ ﺳﯿﻤﺮﻍ
ﺍﻓﺴﺎﻧﻪ ﺳﯿﻨﻪ ﺑﻪ ﺑﻪ ﺩﺋﻤَﺮﻡ
ﮐﺆﮐﻮﻡ، ﮔﺆﮎ ﺗﻮﺭﮎ ﻟَﺮﺩﻥ ﺍﻭﻻﻥ ﯾﺌﺮﺩﻩ، ﺍﺅﺯﻭﻣﻮ ﺁﺭﯾﺎﯾﯽ ﻟَﺮﺩﻥ ﺑﯿﻠﻤَﺮﻡ
ﻣﻦ ﺑﯿﺮ ﺗﻮﺭﮐـــــﻢ



یاغش آلتیندا منیم گوزلریمی یادیواسال
بیرآیاق ساخلا منیم سوزلریمی یادیوا سال
یاغش آلتینداگزیردیک بیر چترله ایکیمیز
خزان اسدی بیر .بیریمیزدن اوزولدی الیمیز
یادیوا سال اوردا بیر لحظه منی
یادیوا سال بو ائورگی سینه نی
یادیوا سال اوردا بیر لحظه منی
یادیوا سال بو آرزیسی یانانی
ییقیشیب دونیا بولودلاری دمانلی گوزومه
سنی خاطیرلاییرام آغلییرام اوز .اوزومه
نیه دنیا بیزی آییردی بونی بیله بیلمدیم
چوخ چالیشدیم سنی سیلم اورگیمدن سیله بیلمدیم
منیم احوالیمی یوخلا آینادا اوزون گولنده
سارالیب سولان بیر یارپاق بیر آغاجدان اوزولنده
اورگین اولاندا خسته قوش گورنده بیر قفسده
هر یرده یارالی گوردین چالیشیر آخیر نفسده
یادیوا سال اوردا بیر لحظه منی
یادیوا سال

****************************


آیرئلئق              

(مذهب سیاسته قارئشماسا بوشعری یازمازدئم)


گئجه یامان اوچور خیال
خیالی دیندیریر سوال
هره چینینده بیر چوال
     سئزئلدادئر بیزی زامان
     آیرئلئق یاماندی  یامان
شمعی بوتون سونوب عشقین
دونرگه سی دونوب   عشقین
جهالته     چونوب    عشقین
     دوتوبدو اولکه نی    دومان
     آیرئلئق یاماندی      یامان
چاققال قوردو داردان آسئب
کاسئب اولان قالدی کاسئب
نامرد اولان مردی   باسئب
     سووورور باشئنا    سامان
     آیرئلئق یاماندی     یامان
باسدئرئللار ناحاق  قانی
اینسانلئق هاردادئر هانی؟
گه ل بو سئودیگین ایرانی
     گور نئجه حاکیمدی قورآن!
     آیرئلئق  یاماندی    یامان
گونش چئخسا   قارلئقووا
کیمسه دوزمور دارلئقووا
بس    نیه بو   وارلئقووا
     چوخلاری ایله ییر گومان
     آیرئلئق یاماندی   یامان
قارانلئقدا سالدی چئراق
بوخچامئزا باخدی قوناق
تیتیرییب چوکدو  دایاق
     نه دین قالدی نه ده ایمان!
     آیرئلئق   یاماندی   یامان
یانئب تندیرلرین  ساجی
تاپئلمئر عیصمتلی باجی
بیری یوز یول اولورحاجی
     بیری تاپبئر  گئیه   تومان
     آیرئلئق   یاماندی   یامان
گه ل  بو  یارالاری  باغلا!
سوندان بیزه بیر گوز آغلا!
جهانین  اوره یین    داغلا!
     وئر بو جهله قارشی فرمان
     آیرئلئق   یاماندی     یامان
یاغیش گئدیر گلیر دولو
قارسالایئر سئنئخ پولو     (کؤرپو)
یانسین آیرئلئقئن یولو
     قامتی ایله ییر  کامان
     آیرئلئق یاماندی یامان 
گه ل یاز یازقئمئزی  باشدان
کیپریگ اینجیمه سین قاشدان
سن ده کی باجی قارداشدان!
     آیرئلار مئ؟ چئکسین آمان
     آیرئلئق   یاماندی    یامان
سارالدی گوزلریمده   آغ
اریدی  اوره ییمده     یاغ
چئکیلدی سینم اوسته داغ
     سئخئلدی باغرئم اولدو قان
     آیرئلئق   یاماندی     یامان 
ای ویصالی باشدا هوا
ای باخئشی درده   دوا
ای هیجری پرده ی جفا
     گه ل حوسنونه یازاق رومان
     آیرئلیق   یاماندی      یامان
عاشیقه درد اولار ضامین
گنجلیگیندن آلماز   کامین
(راسیمینده) عشق جامین
     تانری دئدی تیتره جالان
     آیرئلئق  یاماندی  یامان       راسیم

*********************************

گئــدیرم آما گوزوم سنـــــده قـــالیر،
بو سینیخ سینه ده قلبیم چــــــابالیر..

سن کی جان آلماقا مــامور اولوسان،
گوزلرون حالیمــی پیس حــاله سالیر..

عشق اوین یاخشی بنا ایـــله میشم،
اوریین چکمـــــه کی ویرانه قالیر..

گلمه دون منده بو یورقون گوزومی،
تیکمیشــــــم یولارا دائم قـــــارالیر..

وصله ده چوخلــــــی تقلا ایله دیـــــم،
نه بیلیم کیـــــــم سنی منن آرالیر..

نه سالیبســـــان بو یامان درده منــی،
گون به گون قرمزی رنگیـــم سارالیر...

*********************************

زنجانیم سنسیز اولماز
زنجانسیز بیر ایز اولماز
اورموسوز،اردبیل سیز
بیلین کی تبریز اولماز

اردبیل جانیم گوزوم
هر یاندا منیم سوزوم
اردبیلسیز ائلیمه
سیز دئیین نئجه دوزوم

اردبیل جانیم سنسن
درده درمانیم سنسن
بو دامارلاردا گزن
بیل قیزیل قانیم سنسن

تبریزیم ائلیم جانیم
حققینی نئجه دانیم؟
سن منه بیر بئشیک سن
تورپاغین دا درمانیم

تبریزیم هر نفسیم
هم عشقیم هم هوسیم
تورپاغین داشین منیم
هم هاوام هم نفسیم

باکی،گنجه،ناخچیوان
شاماخی،شکی،شیروان
قاراباغ،کلبجری
قایتارار آذربایجان

**************************************